Kea mɛ ‑ɛɛ ‑sa ‑aʋn 'demu
129
'Dʋ nyʋ a blea ‑bo nyɔ ɔ sea 'de Tʋ "bo 'a ‑gbɛɛ'‑ na' muɛ.
Ʋʋ ‑teɛ 'ʋn 'kle ‑tu" 'a ‑pʋn" 'ma ‑saan" nɔ". Israɛ, ‑ɩn ‑da kan':
2 ʋʋ ‑sa 'ma kpa" 'wɔn jaa' 'de 'ma ‑saan" o,
'kaa ʋʋ se 'ʋn du.
3 Ʋʋ cɩɛɛn 'ma 'kpʋ ‑wee'‑ i,
ʋʋ siɛ 'e kpuuɛn" klae" klae".
4 Tʋ "bo "srɛi ɛmɛ ‑cɛn' ‑aa tʋnyʋ 'a "dbi.
5 ‑Tɩn' 'dbaa nyʋ "klein" ‑nyɩa Selisalɛmʋ 'ʋn "i,
ʋʋ 'je de ‑criiɛ‑.
6 Ɩ ‑kɔ sii'' ‑ɩ mɛa 'de ‑gbu" "kpei,
nyʋ sea "crun ke ‑mɛ ‑ɩ jea 'sʋɛ ɛ‑,
7 ɛ se 'e nyɔ ‑ɔɔ ‑cnu" ɛ 'kwa "ji,
'de ɛ se 'e ‑jɔɔ sɛn "pun sʋn kwa 'di 'bɛɛ‑.
8 Nyʋ ‑ʋʋa ‑sia' 'a jrɔ' 'bo ka 'daa:
Tʋ "bo 'a "diwan‑ kpʋn aopʋ‑.
‑Aa poɛ aopʋ‑ "diwan‑,
'de Tʋ "bo 'a 'nynɩ 'ʋn.